Belagerung von Konstantinopel (1453)

Belaagerig vo Konstantinopel
Deil vo: Türkechrieg
D Belaagerig vo Konstantinopel, franzöösischi Miniatuur us em Joor 1499 (Detäil)
Datum 2. April–29. Mai 1453 Ort Konstantinopel Usgang D Eroberig vo Konstantinopel dur d Osmaane und s Ändi vom Byzantinische Riich.
Konfliktparteie
S Osmaanische Riich	S Byzantinische Riich
Befählshaber
Mehmed II.	Konstantin XI. †
Truppesterki
im Ganze 50-100'000 öbbe 30-40'000 Kavallerii, 12'000 Janitschare, unbekannti Zaal vo Azap und Wasalledrubbe, 69 Kanoone, öbbe 100-200 Schiff	weeniger as 10'000 öbbe 5-7'000 byzantinischi Soldate, öbbe 2-3000 Soldate vo fremde Mächt, 26 Galeere (10 von ene byzantinisch)
Verlust
umbekannt	mee as 9000

D Eroberig vo Konstantinopel im Joor 1453 dur d Osmaane het em Byzantinische Riich en Änd gmacht. Dr osmaanisch Sultan Mehmed II. het mit 50'000–100'000 Maa wääred fast zwäi Mööned d Stadt Konstantinopel belaageret, wo vo öbbe 6'000 bis 10'000 Soldate under em Kaiser Konstantin XI. verdäidigt worden isch. E wichdigi Rolle bi dr Belaagerig häi d Kanoone vom Mehmed gschbiilt. Am 29. Mäi häi d Osmaane e Sturmaagriff uf em Land und uf em Wasser uf d Muure gmacht. Wo d Janitschare in d Stadt iibroche si, het sich die byzantinischi Armee schnäll ufglööst. D Stadt isch vo de osmaanische Drubbe blünderet und e Däil vo de Iiwooner isch ermordet worde.

Mit em Fall vo Konstantinopel häi d Osmaane iiri Posizioon in dr Lewante gsterkt und häi sich afo gege Weste und Norde wände.